新歌MV為紅館個唱造勢 陳奕迅吊威也三粒鐘：腦充血見頭暈

陳奕迅（Eason）一連25場紅館演唱會將於明晚開鑼，新歌《人啊人》MV今日發布，為個唱造勢。今次Eason為MV犧牲不少，除了要吊威也吊足三小時，令他腦充血見暈，拍攝另一鏡頭時更要被黑色漿照頭淋。他說︰「黑漿流咗入眼好似有層霧咁，似鱷魚眼睛咁灰灰哋。」

同場加映：百萬同居計劃｜潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

{{hket:inline-image name="02.jpg"}}{{/hket:inline-image}}

{{hket:inline-image name="01.jpg"}}{{/hket:inline-image}}

陳奕迅新歌《人啊人》由林家謙作曲、周耀輝填詞、李榮浩編曲，MV則由金像新晉導演陳健朗執導。MV用上超多CG及試驗性特技，並花了近20小時拍攝。拍攝時，Eason單是吊威也便吊足三小時，他大感辛苦︰「唔係講吊得耐唔耐，係因為我始終無受過訓練，好多動作都係靠核心肌群發力。但我唔夠力，所以成日喺半空中就自動後空翻，hold唔到好耐。」

{{hket:inline-image name="IMG_0305.jpg"}}{{/hket:inline-image}}

{{hket:inline-image name="95.jpg"}}{{/hket:inline-image}}

他坦言吊威也太久，有點腦充血見頭暈的感覺︰「其實我唔知拍緊咩，好耐無試過咁樣拍MV，但我信導演阿朗，我哋傾過幾次，佢個腦好闊，有好多唔同諗法，所以佢叫我做咩就做咩。」MV中，Eason又被黑漿照頭淋，他笑說：「淋落嚟嘅漿，似芝麻糊混合類似小朋友口水膠質感嘅嘢，導演話食得嘅。因為一淋咗就無晒粧頭，所以呢部分留到半夜先拍，淋咗四、五次。我淨係覺得凍，同好似變咗條鱷魚咁，因為黑漿流咗入眼好似有層霧，似鱷魚眼睛咁灰灰地，但都幾好玩。」

{{hket:inline-image name="001.jpg"}}{{/hket:inline-image}}

另外，Eason表示開騷前已甚少出街，以免染病︰「大家咁支持演唱會，啲飛賣得咁好，我都有壓力㗎，演唱會始終係一件好大嘅事，驚唔知做得好唔好。不過身邊或街上朋友都畀好多鼓勵我。」

撰文：梁紹明